Հայաստանի մարզիկները Սուրդլիմպիկ խաղերում հինգերորդ մեդալն են նվաճել

Թուրքիայի Սամսուն քաղաքում ընթացող 23-րդ ամառային Սուրդլիմպիկ խաղերում հայաստանցի մարզիկները նվաճել են հինգերորդ մեդալը, տեղեկացնում է ՀԱՕԿ-ի պաշտոնական կայքը:

Ազատ ոճի ըմբիշ Սարգիս Սարգսյանը (57 կգ) դարձել է բրոնզե մեդալակիր:

Ավելի վաղ, ձյուդոյիստ Ռոբերտ Գևորգյանն արժանացել էր արծաթե մեդալի, իսկ հունահռոմեական ոճի ըմբիշներ Ժորա Գրիգորյանը, Արարատ Սարգսյանն ու Նարեկ Նիկողոսյանը նվաճել էին բրոնզե մեդալներ:

Սուրդլիմպիկ խաղերին մասնակցում են 90 երկրների մարզիկներ: Թիմային հաշվարկում Հայաստանը զբաղեցնում Է 30-րդ տեղը:

ԲԱՐՈՄԵՏՐ

 

16:00 Հուլիս 26, 2017

Ամենաընթերցված նյութեր