Ինչպես կարելի է տարբերակել բնական կաշի՞ է, թե՞ արհեստական

Հավատա, բայց ստուգիր: Հետևեք այս կանոնին եթե ցանկանում ենք գնել բնական կաշվից ինչ-որ իր: Ինչպես կարելի է տարբերակել իրական կաշին էժան կրկնօրինակից, որպեսզի չհիասթափվեք և անիմաստ գումար չծախսեք:

1. Փորձեք կրակի միջոցով
Դժվար թե խանութում թույլ տան փորձարկելու այս մեթոդը: Բայց լինում է, որ կոմպլեկտի հետ նման կտոր տալիս են փորձելու համար: Եթե կաշին բնական է, ապա այն կսկսի դանդաղ ածխանալ՝ կաշվին բնորոշ խանձահոտ առաջացնելով։ Իսկ եթե արհերստական է՝ այն կհալվի:

2. Ուշադիր նայեք կարերին
Եթե կաշվի մեջ նկատում եք տեքստիլի անգամ մի փոքր կտոր, նշանակում է, որ այն արհեստական է: Բնական կաշին երբեք տեքստիլային հիմք չի ունենում:

3.Փորձեք ջրով
Սա արդյուանվետ մեթոդներից մեկն է: Ջրի կաթիլը իսկական կաշվի վրա թողնում է իր հետքը և ներծծվում է, իսկ արհեստականի վրա հետք չի մնում և ջրի կաթիլը գլորվում է:

4. Նայեք փոքր անցքեր կան թե ոչ
Իսկական կաշվի վրա կան փոքր անցքեր: Եթե տեսնում եք դրանք, ապա իսկական է: Այս մեթոդն օգտագործելու համար հարկավոր է լավ լուսավորություն կամ էլ նույնիսկ խոշորացույց:

5. Ստուգեք ձեռքի ջերմությամբ
Իսկական կաշին տաքանում է, երբ պահում եք ձեռքում: Սակայն այս մեթոդը փորձելու համար կա մի պայման, չպետք է կաշին արևի տակ մնացած լինի այդ օրը:

6. Ուշադրություն դարձրեք գույնին
Եթե կաշին ծալեք, ապա այն չպետք է փոխի գույնը: Անգամ ճկելուց հետո իսկական կաշվի վրա հետքեր չեն մնում: 

7. Ուշադրություն դարձրեք կաշվի հակառակ երեսին
Հակառակ երեսը կաշվի պետք է լինի բրդոտ և թավշյա :Եթե ձեռքով տանեք ու բերեք այդ հատվածը, պետք է փոխի գունը : Իսկ արհեստականն ունենում է սինթետիկ հիմք:

ԲԱՐՈՄԵՏՐ

21:05 Ապրիլ 26, 2016

Ամենաընթերցված նյութեր